Tēnā koe, tēnā koutou. Tēnei ka mihi, ka tangi ki a rātau mā kua ngaro ki tua o pae mahara. Haere koutou. Ki a tātau e takatū tonu nei hei urupā ora mō rātau mā, kia ora tonu tātau. Ko tā mātau whāinga, he whakatairanga i ngā mahi wātea e hāngai ana ki te ao Māori, puta noa te motu. E tū motuhake ana mātau i ngā kamupene kimikimi tāngata, nā konei ka tīkina mai ngā mahi wātea i ngā wāhi maha - tūturu, koianei anō te tino whakarārangitanga o ngā mahi Māori. Kei konei mātau hei āwhina i te tangata ki te kimi he mahi hou. Me whakamahi te 'mahi mēra' hei tuku mai i tō karere ī-mēra, ā, mā mātau anō hei tuku pānui ki a koe mō ngā mahi hou ia wiki. Ko te painga kē tēnā ki te whakakī mai koe i te puka kimi mahi hei whakamōhio mai he aha anō ngā momo mahi e hiahiatia ana. Nā, ki te pīrangi kē koe ki te whakamōhio mai he aha anō ngā momo mahi e hiahiatia ana. Nā, ki te pīrangi kē koe ki te whakamōhio atu i ō tūranga mahi e wātea ana, ko mātau anō tēnā!   Kāti ra, ko te tūmanako kei konei anō tētahi mahi māu. Ka kite nā Pori me te tīma.